77歲葉麗儀親揭簽落50年版稅獲利幾百萬 憑《上海灘》成名買16層樓變「國際包租婆」

由周潤發及趙雅芝主演慨TVB經典劇《上海灘》當年爆紅。

踏入樂壇55周年慨葉麗儀(Frances)感恩遇到慨人和事，尤其1980年憑《上海灘》一曲成名，紅遍全球華人社區，仲因為簽落50年版稅，單系過去44年已獲數百萬港元。她自爆早已財富自由，最高峰喺世界各地擁有16個物業，因此近年養尊處優追求平淡舒適生活，唔會像甄妮咁評論樂壇，唯一戥日做夜做的MIRROR辛苦，因為自己也曾身不由己做過5年「工作奴隸」。採訪：方騫平 攝影：羅安強 化妝：永雄 場地：The AIR (The ONE)

77歲葉麗儀將於下月3日及4日，在灣仔新伊館舉行《感恩55周年香港演唱會2024》，感恩上天對她眷顧，令她的音樂旅程事事順利，得到fans喜愛。Frances 1969年參加TVB《聲寶之夜》歌唱比賽奪冠，個多星期後，恩師顧嘉煇邀她唱廣告歌，再結識「廣告界紅人」黃霑變身「3人組」，有唔少好作品。

每年穩袋兩張支票

講到成名曲《上海灘》，Frances表示1979年TVB敲定開拍劇集前，已欽點她唱主題曲，並由顧嘉煇按她音域度身訂造：「當時冇人想像首歌可以爆紅，所以真系好好彩，呢首歌帶畀我多桶金，最難忘收到第一張支票銀碼好大，大到足夠當年買一層樓，唱片公司仲問我『想唔想去瑞士收錢？』原來瑞士慨稅平啲。唔單止系咁，因為當時系EMI歌手，跨國公司傳統歌曲可以收50年版稅，就算𠵱家環球唱片併購咗EMI，每年我都收到兩次支票，但凡出雜錦碟都有收益，加埋內地音樂下載app，咁多年大概收咗幾百萬，未來仲有6年錢收，所以條數好難計。」

周潤發擔遮為趙雅芝遮雪一幕，冧死好多女仔。