77歲葉麗儀親揭簽落50年版稅獲利幾百萬 憑《上海灘》成名買16層樓變「國際包租婆」

唔敢評論樂壇惹是非

患過乳癌慨Frances好注重健康，除每半年驗血外，會做瑜伽、踩單車運動。至於可會退休？她坦言冇人搵就會淡出：「日日留喺屋企湊等孫，打高球好開心呀，我enjoy做家庭主婦，尤其孫仔及自己患病更減少工作。」Frances每朝只會用手機睇《星島頭條》app收集時事資訊，問到會否仿效甄妮做「樂壇風紀」？Frances即耍手說：「佢對樂壇發展會關注多一啲，我住得較遠，唔算系太貼近就冇資格批評任何嘢，而且自己冇是非，只會對自己主觀，而唔會同同一眼光睇任何人，𠵱家追求啲平淡舒生活，保持心態開朗健康。」Frances點名喜歡馮允謙、塗毓麟（Oscar）及王梓軒，指他們有才華，又贊MIRROR好成功，不過見鏡仔日做夜做，憶起自己喺《上海灘》後做過5年「工作奴隸」：「當時把握機會乜都接，捱到賤殘曬兼胃痛，個人忟到不得了。」因此她為鏡仔發聲：「佢哋仲要排舞呢，我都戥佢哋辛苦，話事人如果系愛錫佢哋就要有考量，咁樣會耗盡好快玩完涯。」另外，她又寄語新人要建立個人歌唱風格發展才會持久。